Baki, Finance Time. Azərbaycanın“PAŞA Həyat Sığorta” ASC-nin təşəbbüsü və dəstəyi ilə şirkətin müştərisi olan bir neçə müəssisə və təşkilatın əməkdaşları Türkiyənin İstanbul şəhərində keçirilən beynəlxalq təlimdə iştirak edib.

“PAŞA Həyat Sığorta” ASC-nin İctimaiyyətlə əlaqələr xidmətinin verdiyi məlumata görə, bu ilin noyabr ayının 6-dan 9-dək Türkiyədə səfərdə olan müştəri-müəssisə və təşkilatların əməkdaşları İstanbulda keçirilən “İSO 31000:2009-Risklərin İdarəedilməsi: prinsipləri və qaydaları” mövzusunda təlim proqramında iştirak edib, həmçinin şəhərin görməli yerlərini gəzib, tarixi-memarlıq abidələri ilə yaxından tanış olublar.

“PAŞA Həyat”ın daim müştərilərinə diqqət və qayğı ilə yanaşdığını bildirən təlim iştirakçıları belə bir tədbirin təşkilini yüksək qiymətlənidiriblər. 

Xatırladaq ki, təlim proqramında “PAŞA Həyat”ı Tural Həsənov təmsil edib.

Qeyd edək ki, müştərilərinin motivasiyası, həmçinin müştərilərə göstərilən diqqət və qayğının nümunəsi olaraq, müştəri məmniniyyətinin təmin edilməsinəyönəlmiş belə tədbirlər “PAŞA Həyat Sığorta” şikrəti tərəfindən ənənə halına keçərək hər il təşkil olunur.

“PAŞA Holding” şirkətlər qrupunun ən gənc və uğurlu üzvlərindən biri olan “PAŞA Həyat Sığorta” ASC 2011-ci il fevral ayının 14-dən fəaliyyət göstərir. Cari ilin 9 ayı üzrə şirkət yığımlarının (24,498 mln.manat), həmçinin nizamnamə kapitalının (25,200 mln. manat) həcminə görə Azərbaycanın həyat sığortası bazarının lideridir. Hazırda şirkət müştərilərə istehsalatda bədbəxt hadisələrdən icbari sığorta, həyatın müddətli sığortası, yığım tərkibli yaşam sığortası, hətta sağalmaz xəstəliklərdən sığorta və digər könüllü  həyat sığortası məhsulları təklif  edir.