|
|
|
Lizinq | | | “Aqrolizinq”in göstərdiyi xidmətlərin qiymətləri açıqlanıb |
06.06.2012 | |
| |
Azərbaycanda “Aqrolizinq” ASC-nin fermerlərə göstərdiyi kənd təsərrüfatı xidmətlərinin qiymətləri açıqlanıb.
İqtisadi İnkişaf Nazirliyindən «APA-ECONOMICS»ə verilən məlumata görə, hazırda kənd təsərrüfatı məhsullarının becərilməsi, bitkilərə aqrotexniki qulluğun göstərilməsi, məhsulun vaxtında və itkisiz yığılması, mal-qara üçün yem ehtiyatının yaradılması və s. sahələrdə işlərin intensiv aparıldığı vaxtdır.
Aqrotexniki xidmətlərə tələbatın artmasını nəzərə alaraq, “Aqrolizinq” ASC-nin qurumları vasitəsilə kənd təsərrüfatı məhsulları istehsalçılarına göstərilən xidmətlərin qiymətləri fermerlərin nəzərinə çatdırılır:
- 1 hektar sahədən taxıl biçini - 27 manat
- 1 hektar yem bitkilərinin özüyeriyən otbiçənlə biçilməsi - 22 manat
- 1 hektar yem bitkilərinin rotorlu otbiçənlə biçilməsi - 14 manat
- Otun, küləşin (1000 ədəd kipi bir gündə) preslənməsi - 100 manat
- 1 hektar sahəyə dənli bitkilər toxumunun səpin işləri - 10 manat
- 1 hektar şumun 22-27 sm dərinlikdə (orta müqavimətli torpaq) aparılması - 25 manat
- 1 hektar suvarılan və bərk torpaqda 27 sm-dən dərin şum işi - 27 manat
- 1 hektar dəmyə və yumşaq torpaqda 22-32 sm dərinlikdə şum işi - 24 manat
- 1 hektar sahənin rotasiyon mala ilə şumlanması - 16 manat
- Çalaqazanın bir gündəki iş norması (120 çala/gün) üçün - 60 manat
- Cərgələrarası becərmədə kultivasiya işləri - 10 manat
- 1 hektar sahəyə qollu çiləyici ilə dərman çilənməsi - 10 manat
- 1 hektar sahəyə ventilyatorlu çiləyici ilə dərman çilənməsi - 12 manat
- 1 hektar sahəyə çiyid (pambıq) əkini işləri - 12 manat
- 1 hektar sahədən pambıq yığımı - 60 manat
- 1 hektar sahədən çuğundur çıxarılması - 60 manat
- 1 hektar sahəyə kartofun basdırılması - 50 manat
- 1 hektar sahədən kartof çıxarılması - 40 manat
- 1 hektar sahəyə diskli mala çəkilməsi - 8 manat
- Səpinqabağı hamarlama işləri - 7,5 manat
- 1 hektar sahəyə mineral gübrə verilməsi - 8 manat
www.apa.az
|
|
|
|