Mərkəzi Gömrük Hospitalının 15 illik yubiley günü Dövlət Gömrük Komitəsi Tibbi Xidmət İdarəsinin rəhbərliyi və əməkdaşları Ümummilli lider Heydər Əliyevin məzarını ziyarət ediblər
25 dekabr 2023-cü il tarixində Mərkəzi Gömrük Hospitalının 15 illik yubiley günü Azərbaycan Respublikası Dövlət Gömrük Komitəsi Tibbi Xidmət İdarəsinin rəisi Ceyhun Məmmədov, rəis müavini İsmayıl Əfəndiyev, Elmi Təcrübi Tədris Mərkəzinin rəisi Rəşad Mahmudov ,Mərkəzi Gömrük Hospitalının baş həkimi Bəxtiyar Musayev, Poliklinika şöbəsinin rəisi Tamilla Əliyeva, şöbə rəisləri və əməkdaşlar Fəxri Xiyabana gələrək, Ümummilli Lider Heydər Əliyevin məzarını ziyarət ediblər, dahi şəxsiyyətin məzarı önünə tər çiçəklər qoyublar, Ulu öndərin xatirəsini ehtiramla yad ediblər.
Sonra nümayəndə heyəti Ulu öndərin ömür-gün yoldaşı, görkəmli oftalmoloq-alim, akademik Zərifə xanım Əliyevanın xatirəsini ehtiramla anaraq məzarı üzərinə gül dəstələri qoyublar. Görkəmli dövlət xadimi Əziz Əliyevin və tanınmış həkim-alim Tamerlan Əliyevin də məzarları üzərinə gül dəstələri düzüblər.
Müstəqil dövlətimizin memarı və qurucusu olan Ümummilli lider Heydər Əliyevin ölkəmizdə səhiyyənin inkişafında çox böyük əməyi və əvəzsiz rolu olmuşdur. Ulu öndər hər zaman tibb işçilərinə böyük qayğı göstərmiş və çıxışlarında həkimlik peşəsinin öz xalqına, sənətinə yüksək sədaqət tələb edən bir iş olduğunu vuğulamışdır.
