20 dekabr 2023-cü il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə “Orqan transplantasiyası: aktual məsələlərin multisektoral həlli” mövzusunda dəyirmi masa həyata keçiriləcəkdir.

Dəyirmi masada “Orqan transplantasiyası: mövcud təcrübə və hədəflərimiz”, “Transplantasiya mərkəzləri ilə işin koordinasiyası”, “Orqan transplantasiyası xidmətlər zərfində orqan toxuma əməliyyatları” və “Kadavra transplantasiyasına gedən yol: Beyin ölümünün təyini və qarşılaşdığımız problemlər” mövzusunda məruzələr təqdim ediləcək və müzakirələr həyata keçiriləcək. 

Azərbaycanda həyata keçirilən transplantasiya əməliyyatlarının uğurlu icrası istiqamətində atılan addımların effektiv təşkilində qurumlararası əməkdaşlığın rolunun artırılması məqsədilə təşkil olunan Dəyirmi masada iştirak xüsusi dəvətnamə əsasındadır.