Dr.Aynur Səfiyevanın “Egyptian Journal of Surgery” adlı nüfuzlu beynəlxalq jurnalda məqaləsi dərc olunub
Mərkəzi Gömrük Hospitalının Ümumi Cərrahiyyə şöbəsinin ümumi cərrahı, t.ü.f.d., Aynur Səfiyevanın “Anal çatlarda botoks müalicəsinin nəticələri” mövzusunda məqaləsi Misir Cərrahiyyə Cəmiyyətinin nəşri olan “Egyptian Journal of Surgery” adlı beynəlxalq onlayn jurnalının 2023-cü ilin iyul-sentyabr nömrəsində yayımlanıb.
Dr.Aynur Səfiyeva məqalədə son illərdə anal çatların müalicəsində geniş istifadə olunan Botulinum toksin inyeksiyalarının tətbiqi və prosedurların nəticələri barədə ətraflı məlumat verib. Nəticələr Mərkəzi Gömrük Hospitalında müalicə alan 15 qadın və 9 kişinin retrospektiv müayinəsində istifadə olunan ABŞ-da Allergan firmasından 100 ədəd Botox Tip A istifadə edilməsi əsasında yazılıb. Sınağın məqsədi botulinum inyeksiyalarının anal çatların müalicəsində nə qədər yaxşı işlədiyini görmək idi. Sınaq üçün seçilmiş orta yaşı 46 yaşı olan bütün xəstələrdə Botoksdan sonra tam klinik yaxşılaşma müşahidə olunub.
Link: https://journals.lww.com/ejos/fulltext/2023/42030/results_of_botox_treatment_in_anal_fissures__our.4.aspx
Qürurverici haldır ki, Aynur həkimin həm yerli, həm də nüfuzlu beynəlxalq jurnallarda dərc olunan elmi məqalələrinə çoxlu istinadlar edilir, onun jurnallarda dərc olunan elmi məqalələri və elmi araşdırmaları xarici ölkələrdə nəşr olunan kitablara da daxil edilir. Xatırladaq ki, 2022-ci ilin mart ayında dünyaca məşhur “Springer” nəşriyyatının çapdan çıxmış “Anal fistula və abses” adlı kitabda Aynur həkim “Anal fistulaların lazerlə müalicəsi” adlı bir paraqrafın müəllifidir.