Dövlət Gömrük Komitəsi Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev İtaliya Respublikasının Milan şəhərində keçirilən Avropa Respirator Cəmiyyətinin (ERS) Konqresində iştirak edir.
Avropa Respirator Cəmiyyətinin (ERS) Prezidenti Marc Humbert, ERS Konqresinin Sədrləri prof. Morisa Bonsignore və prof. Sergio Hararenin şəxsi dəvəti ilə Dövlət Gömrük Komitəsi Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev İtaliya Respublikasının Milan şəhərində keçirilən ERS Beynəlxalq Konqresində iştirak edir.
Dünyanın 110-dan çox ölkəsindən 5000-dən çox əyani iştirakçısı olan irimiqyaslı beynəlxalq tədbirin plenar və panel sessiyalarında indiki dövr üçün aktual problem olan respirator sistemin müxtəlif patologiyaları, o cümlədən, toksik və allergik zədələnmələrə aid məsələlər müzakirə olunub. Konqresdə respirator xəstəliklərin epidemiologiyası, onların diaqnostikasının yeni növlərinin tətbiqi, müalicəsinə müasir yanaşmalar və bir sıra digər aktual məsələlər dünyanın və Avropanın aparıcı mütəxəssislərinin iştirakı ilə işıqlandırılıb və müzakirə edilib.
Beynəlxalq Konqres öz işini sentyabr ayının 13-nə qədər davam etdirəcək.