Daşıma və kuryer fəaliyyəti ilə məşğul olan sahibkarlarla görüş keçirilib 

Daşıma və kuryer fəaliyyəti ilə məşğul olan sahibkarlarla görüşdə müvafiq sahədə biznes fəaliyyətinə, iş adamlarının qarşılaşdıqları çətinliklərə və onların həlli üçün KOBİA-nın dəstəyinə dair fikir mübadiləsi aparılıb. 

Kiçik və Orta Biznesin İnkişafı Agentliyində (KOBİA) daşıma və kuryer fəaliyyəti ilə məşğul olan sahibkarlarla görüş keçirilib. 

Görüşdə KOBİA-nın İdarə Heyətinin sədri Orxan Məmmədov, daşıma və kuryer fəaliyyəti ilə məşğul olan 10-a yaxın sahibkar iştirak edib. 

Görüşdə KOB subyektləri ilə müvafiq sahələrdə biznes fəaliyyətinə, iş adamlarının qarşılaşdıqları çətinliklərə və onların həlli üçün KOBİA tərəfindən göstərilə biləcək dəstək tədbirlərinə, eləcə də müvafiq sektorda fəaliyyət göstərən sahibkarların şəbəkələşməsinə dair müzakirələr aparılıb.