“Həkimlərimizi tanıyın!” rubrikamızda Sizlərə pasiyentlərin hər birinə fərdi yanaşan, onları diqqətlə dinləməyi bacaran yüksəkixtisaslı həkim, tibb üzrə fəlsəfə doktoru həkim-psixiatr Gülay Məmmədzadəni təqdim edirik.
DR.GÜLAY MƏMMƏDZADƏ Mərkəzi Gömrük Hospitalında müxtəlif mənşəli depressiyalar, təşviş-həyəcan pozuntuları, panik tutmalar, ağır stress nəticəsində psixi pozuntular, qida qəbulunun pozuntuları (anoreksiya, bulimiya), üzvi (orqanik) zədələnmələr nəticəsində psixi pozuntular, bipolar affektiv pozuntu, şizofreniya və digər psixotik pozuntuların müayinə və müalicəsini həyata keçirir. Həkim barədə daha ətraflı məlumat almaq üçün bu linkə daxil ola bilərsiniz: https://customshospital.az/gulay-mammedzade
Dr.Gülay Məmmədzadə 2006-cı ildə Azərbaycan Tibb Universitetinin Müalicə işi fakültəsini bitirib, 2006-2007-ci illərdə 1 saylı Kliniki Psixiatriya Xəstəxanasında həkim-psixiatr ixtisası üzrə internatura təhsili almışdır. 2015-2016 Harvard School of Public Health Universitetində və Boston Children’s Hospitalında 2 illik psixi sağlamlıq və elmi işlərin aparılması üzrə ixtisasartırma kursu keçmiş, 2020-2022-ci illərdə Böyük Britaniyanın London şəhərində İmperial College London kollecində ictimai səhiyyə üzrə magistraturanı bitirmişdir.
2019-cu ildən tibb üzrə fəlsəfə doktorudur. Dr.Gülay Məmmədzadə 2007-ci ildə Bərpa Tibb Mərkəzində əmək fəaliyyətinə başlamış və 2009-cu ilə qədər orada həkim-psixiatr işləmişdir. 2009-2019-ci illərdə Azərbaycan Tibb Universitetinin Psixiatriya kafedrasında əvvəlcə baş laborant, sonra assistent kimi çalışmışdır. 2019-2021-ci illərdə Azərbaycan Tibb Universiteti Rezidentura və magistratura şöbəsinin müdir müavini vəzifəsində işləmişdir. 2023-cü ildən Mərkəzi Gömrük Hospitalında həkim-psixiatr kimi fəaliyyət göstərir.
Gülay həkim daim öz üzərində çalışan, dünya mətbuatını izləyən, inkişaf etmiş ölkələrdə səhiyyə sisteminin son nailiyyətləri ilə tanış olan və bu təcrübədən bəhrələnən yüksəkixtisaslı həkimdir. O, Psixiatriya Assosiasiyasının müxtəlif illərdə keçirilən 22, 24, 26, 28, 30 və 31-ci konqreslərində iştirak etmiş, 2011-ci ildə Bakıda Azərbaycan Müəllimlər İnstitutunda keçirilmiş “Təhsilin əsasları” fənni bazasında hazırlanmış müasir pedaqogika və psixologiya ilə bağlı kursda iştirak etmiş, 2016-cı ildə Harvard Universiteti və Koç Universitetinin təşkilatçılığı ilə Tədqiqat aparma üsulları və səhiyyə elmlərində etik yanaşma üzrə yay kursu keçmiş, 2020-ci ildə Harvard Medical School-da təşkil olunmuş kursda iştirak etmişdir.
Dr.Gülay Məmmədzadə Azərbaycan Psixiatriya Assosiasiyasının, Avropa Psixiatriya Assosiasiyasının və Beynəlxalq Psixo Onkologiya Cəmiyyətinin üzvüdür. Dr.Gülay Məmmədzadənin qəbuluna yazılmaq üçün əlaqə nömrəsi: (012) 404-08-08
