Dr.Nazilə Xəlilbəyova: “Qripin qızdırmalı dövründə bol maye içmək məsləhətlidir, çünki yüksək qızdırması olan insan böyük həcmdə maye itirir".

Son zamanlar əhali arasında qrip simptomlu xəstəlik yayılıb. Həm böyüklər, həm də uşaqlarda təsadüf olunan virus sürətlə yayılır və xəstəliyin kəskin əlamətləri 2-3 gün davam edir. Virus daşıyıcıları yüksək hərarət, burun axması, boğaz, baş, qulaq, əzələ-sümük ağrıları və şiddətli öskürəkdən şikayətlənirlər. Müşahidələr göstərir ki, bu xəstələr ailədaxili, ev şəraitində yoluxurlar. Qrip virusları yoluxduqdan 1 gün sonra simptomlar özünü göstərməyə başlayır.

Qripə tutulmuş xəstələrin böyük bir qismi evdə müalicə olunur. Lakin qrip ağır forma aldıqda xəstəni evdə saxlamaq onun vəziyyətinin daha da pisləşməsinə səbəb ola bilər. Xəstə qızdırmalı dövründə yataq rejimində qalmalıdır. Vitaminlə zənginləşdirilmiş məhsullar onun əsas qidası olmalıdır. Qripin qızdırmalı dövründə bol maye içmək məsləhətlidir, çünki yüksək qızdırması olan insan böyük həcmdə maye itirir. Xəstə olan otağın mütləq havası dəyişdirilməlidir.

Qripin təsiri zökəmə nisbətən daha ağır və daha uzunmüddətli olur. İnsanların çoxusu qripə yoluxduqdan bir və ya iki həftə sonra sağalırlar, lakin bəzilərində qrip həyat üçün təhlükəli olan başqa xəstəliklərə yol açır. Mərkəzi Gömrük Hospitalının terapevti Nazilə Xəlilbəyova “Space” TV-nin “Hər gün” proqramına müsahibə verib. Süjeti Sizə təqdim edirik. 

https://youtu.be/0wvzfOHkrLI