Türkiyədə Azərbaycan Dövlət Neft Şirkəti (SOCAR) və “Delta Rubis” şirkətləri arasında dəniz yanacağının depolanması və satışına dair kontrakt imzalanmışdır. “SOCAR Türkiyə” şirkətindən bildirmişlər ki, Türkiyənin Ceyhan limanında fəaliyyət göstərən “Delta Rubis” ilə imzalanmış kontraktın müddəti 5 ildir. Şirkətin rəsmisi Mutluay Doğan qeyd etmişdir ki, bu bölgə Azərbaycan xam neftinin dünya bazarına çıxış nöqtəsidir və bu kontekstdə Ceyhanı bir dəniz yanacağı satışı məntəqəsinə çevirmək çox əhəmiyyətlidir. Buraya gələn xam neft tankerlərinə yanacaq satışını həyata keçirmək üçün ilk addım atılmışdır. Yaxın 5 il müddətində gəmilər və tankerlər üçün 2 milyon ton yanacaq satılması nəzərdə tutulur.

www.azertag.com