Mərkəzi Gömrük Hospitalının Urologiya şöbəsinin rəisi, uzman uroloq Bəhruz Xalıqov 9 mart 2023-cü il tarixində Ümumdünya Böyrək Gününə həsr edilmiş "Böyrək xəstəliklərinə multidissiplinar yanaşma" mövzusunda keçirilən Elmi Konfransda “Fərqli Urinar Diversiyaların böyrək funksiyaları baxımından dəyərləndirilməsi” mövzusunda çıxış edib. Bəhruz həkim çıxışında urinar diversiyanın növləri, böyrək funksiyalarına təsir edən risk faktorları, diversiyanın heterotopik və ortotopik növləri, o cümlədən böyrək çatışmazlığına səbəb olan pre və postoperativ risk faktorları barədə ətraflı məlumat verib.
Dr.Bəhruz Xalıqov bildirib ki, böyrək funksiyasında azalma olan ( 60>eGFR ) durumlarda ureterokutanostomiya diversiyası olunması uyğundur, yaşlı və yanaşı sistemik xəstəliyi olanlarda mümükün olduğu qədər bağırsaq seqmenti istifadəsindən qaçınılmalıdır.
Həmçinin, Preop hidronefrozu olan xəstələrdə də ureterokutanostomiya olunması, yüksək riskli xəstəliyi olan postop adjuvan KT almağa namizədlərdə də ileal konduit olunmaması uyğundur. Bəhruz həkimin təqdimatdan sonra konfrans iştirakçılarının mövzu ilə bağlı suallarını cavablandırıb.