Mərkəzi Gömrük Hospitalının bazasında İ.M.Seçenov adına Birinci Moskva Dövlət Tibb Universitetinin Bakı filialının tələbələrinə “Kardiologiya və Terapiya” fənni tədris edilir

Mərkəzi Gömrük Hospitalının Kardiologiya şöbəsinin rəisi, yandal uzman invaziv kardioloq İlqar Tahiroğlu İ.M.Seçenov adına Birinci Moskva Dövlət Tibb Universitetinin Bakı filialının 4-cü kurs, F06 qrupunun tələbələrinə “Kardiologiyaya və Terapiya” fənninin tədrisinə başlayıb. Ümumilikdə 105 tədris saatı ərzində 4-cü kurs tələbələri 14 gün müddətində kardiolgiya ilə bağlı nəzəri və praktiki biliklərə yiyələnəcəklər.

Azərbaycan Respublikası Dövlət Gömrük Komitəsinin Tibbi Xidmət İdarəsi və İ.M.Seçenov adına Birinci Moskva Dövlət Tibb Universitetinin Bakı filialı arasında imzalanmış əməkdaşlıq memorandumu əsasən yerli və regional səviyyəli sertifikatlaşdırılmış tibbi təlim kurslarının, elmi-praktiki tədbir və tədqiqatların, eləcə də rezident və ixtiraçıların təcrübə mübadiləsinin təmin edilməsi üçün birgə tədris proqramlarının həyata keçirilməsini nəzərdə tutur.

Tibb tələbələri üçün Mərkəzi Gömrük Hospitalının bazasında tədris prosesinin təşkili həm tələbələr, həm də onlara dərs deyən əməkdaşlara yeni inkişaf imkanları yaradır və Mərkəzi Gömrük Hospitalının Azərbaycanın kliniki–tədris xəstəxanalarının sırasında özünəməxsus yer tutmasına imkan verir.