Kürək nahiyəsində başlayan ciddi şiddətli ağrılar mütləq bir şəkildə dəqiq müayinə tələb edir

Mərkəzi Gömrük Hospitalının Kardiologiya şöbəsinə şiddətli ağrı, bıçaq saplanır tərzdə daxil olan 70 yaşlı pasiyent dərhal kardioloji müayinədən keçib. Pasiyentin Exokardioqrafiya müayinəsinin nəticələri normal çıxıb. Dəqiq diaqnozun təyin edilməsi üçün pasiyent Mərkəzi Gömrük Hospitalının Radiologiya şöbəsində tomaqrafiya müayinəsindən keçirilib. 

KT müayinəsinin nəticələrinə əsasən  pasiyentin aorta damarının yırtıldığı  və bununla bağlı aorta damarı ətrafında ciddi hemotoma qan yığıntısı olduğu müəyyənləşdirilib. Mərkəzi Gömrük Hospitalının Kardiologiya şöbəsinin rəisi, yandal uzmanı, invaziv kardioloq Dr.İlqar Tahiroğlu tərəfindən pasiyent dərhal 24 saat içində əməliyyatxananın anageoqrafiya otağına alınıb və TEVAR əməliyyatı edilib. Səhhəti normallaşan pasiyent bir gün sonra evə yazılıb.

Dr.İlqar Tahiroğlu bildirib ki, kürək nahiyəsində başlayan ciddi şiddətli ağrılar mütləq bir şəkildə dəqiq müayinə tələb edir. Xüsusilə, yüksək təzyiq, şəkərli diabet xəstələrinin müayinədən keçməsi çox önəmlidir. Çünki, belə hallarda ölüm nisbəti ən yüksək olan və həyati təhlükə yaradan bir vəziyyətdir. Aorta disseksiyası vəziyyəti mütləq bir şəkildə kardioloqlar və təcili yardım həkimləri tərəfindən dəqiq bir şəkildə dəyərləndirilməlidir.