ABŞ Beynəlxalq İnkişaf Agentliyi (USAID) və Azərbaycanda Qadın Sahibkarlığının İnkişafı Assosiasiyasının (AQSİA) birgə təşkilatçılığı ilə qadın sahibkarların əl işlərindən ibarət 46-cı “Əl Əməyi Göz Nuru” satış-sərgisi təşkil olunacaq.

Azərbaycanda qadın sahibkarlığının inkişafı ölkənin islahatlar gündəliyində əsas prioritet istiqamətlərdəndir, USAID də bu istiqamətdə layihə və tədbirlər həyata keçirərək qadınların iqtisadi səlahiyyətlərinin artırılmasına öz töhfəsini verir. Bu çərçivədə həyata keçiriləcək sərgidə 100-dən çox qadın sahibkara öz məhsullarını təqdim etmək üçün təmannasız platforma təqdim ediləcək və satışlardan əldə olunan gəlir qadın sahibkarların biznesinə dəstək olacaq.

Sərginin açılışı 13 may saat 13:30-da Park Bulvar Ticarət Mərkəzində baş tutacaq. Açılışda rəsmi qonaq qismində ABŞ Beynəlxalq İnkişaf Agentliyinin (USAID) Azərbaycan üzrə missiyasının direktoru Caydev Sinqx çıxış edəcək, bundan əlavə, müxtəlif dövlət qurumlarının nümayəndələri iştirak edəcək.