ABB tərəfdaşları ilə imkanları birləşdirib müştərilərin işini daha da asanlaşdırır. Bank bu istiqamətdə inteqrasiya tədbirlərini davam etdirir. Növbəti belə layihələrdən biri Azercell şirkəti ilə həyata keçirilib. ABB-nin xidmət həllərinin bu şirkətin platformasına inteqrasiyası sayəsində istifadəçilər indi  “ƏDV geri al” xidmətindən Azercell-in “Kabinetim” tətbiqində də istifadə edə bilərlər.  Bunun üçün sadəcə tətbiqin müvafiq bölməsində alış-veriş qəbzi üzərindəki QR kodu oxutmaq lazımdır. ƏDV məbləğləri həm “Kabinetim” tətbiqində, həm də ABB mobile-da görünür. Bununla müştərilər daha bir üstünlük qazanırlar. “Kabinetim” istifadəçiləri yeni xidmətdən faydalanaraq ƏDV balansını dərhal Azercell nömrəsinin balansına köçürməklə, bu mobil tətbiqin təklif etdiyi bütün ödənişli xidmətlərdən yararlana bilərlər. Bu cür inteqrasiya layihələri ilə ABB öz tərəfdaşlarına da yeni imkanlar yaratmış olur. 

Qeyd edək ki, “ƏDV geri al” Azərbaycanda pərakəndə ticarət və ya iaşə müəssisələrindən əldə edilmiş mallara görə ödənilmiş ƏDV-nin müəyyən hissəsinin müştəriyə geri qaytarılması xidmətidir. Nağdsız qaydada ödənilmiş ƏDV-nin 15%-i, nağd qaydada ödənilmiş ƏDV-nin isə 10%-i geri qayıdır. 

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.