Fəliyyəti dövrü ərzində, Korporativ Sosial Məsuliyyət proqramı çərçivəsində cəmiyyətin faydasına töhfə verəcək sosial layihələrə imza atan Bank of Baku “Onlar Sevinsin” layihəsi ilə bu il də “Milli KSM Mükafatı” müsabiqəsinin qalibi oldu.
Azərbaycan Qadın Sahibkarlığının İnkişafı Assosiasiyasının (AQSİA) təşkilatçılığı ilə keçirilən müsabiqədə iştirak edən layihələr, BMT-nin Baş Assambleyası tərəfindən qəbul edilmiş 17 dayanıqlı inkişaf məqsədləri əsasında Azərbaycan Respublikası İqtisadiyyat Nazirliyi, Əmək və Əhalinin Sosial Müdafiəsi Nazirliyi, Təhsil Nazirliyi, Ekologiya və Təbii Sərvətlər Nazirliyi, ASAN Xidmət, İqtisadi İslahatların Təhlili və Kommunikasiya Mərkəzi, Ailə, Qadın və Uşaq Problemləri üzrə Dövlət Komitəsi, Azərbaycanda Qadın Sahibkarlığın İnkişafı Assosiasiyası (AQSİA) və PROAKTİV PR Agentliyinin də olduğu münsiflər heyəti tərəfindən qiymətləndirilib.
Müsabiqənin üçüncü ilində, Bank of Baku 2017-ci ildən etibarən hər il silsilə olaraq icra etdiyi “Onlar Sevinsin” layihəsi ilə “Keyfiyyətlı Təhsil” nominasiyası üzrə qalib seçilib.
2020-ci ildə icra olunan layihə çərçivəsində, bank Tovuzun Ağdam kəndində yaşayan, müharibədən zərər görmüş ailələrin və şəhid övladlarının da olduğu 150 nəfər məktəblini çanta və məktəb ləvazimatları ilə təmin edərək, təhsillərinə dəstək göstərmişdir.
Xatırladaq ki, Bankın “Onlar Sevinsin” layihəsi “Milli KSM Mükafatı 2019” müsabiqəsinin də qalibi olub.
Bank of Baku-nun məhsul və xidmətləri haqqında daha ətraflı məlumatla bankın rəsmi veb səhifəsinə - www.bankofbaku.com daxil olaraq tanış ola bilərsiniz.
Daha ətraflı:
145 Məlumat Mərkəzi
www.bankofbaku.com
www.facebook.com/bankofbaku
