Yeni Azərbaycan Partiyası Gənclər Birliyi Ulu Öndər Heydər Əliyevin 98-ci ildönümünə həsr olunmuş birinci “Davamlı İnkişaf Məktəbi” layihəsini elan edir.

3 ay müddətində davam edəcək layihə çərçivəsində gənclərə ictimai-siyasi, sosial-iqtisadi, milli-mədəni, o cümlədən, dövlət idarəçiliyi  sahələrində nəzəri və praktiki modullar əsasında seminarlar keçiriləcək, iştirakçılar xüsusi debat proqramına cəlb olunacaqlar.

4 fərqli modulda icra ediləcək layihə çərçivəsində:

- gənclərin mötəbər ictimai-siyasi xadimlərlə  dövlət idarəçiliyi mövzularında seminarların təşkili;

- gənclərin natiqlik və polemik bacarıqlarının inkişaf etdirilməsi üçün debat proqramı;

- analitik düşüncə qabiliyyətinin artırılması üçün araşdırma işlərinin həyata keçirilməsi;

- nəzəri və praktiki təlimlərin nəticəsi olaraq təqdimatların həyata keçirilməsi;

nəzərdə tutulur.

Qeydiyyat formasını dolduraraq müraciət etmiş uğurlu namizədlər arasından  müsahibə yolu ilə Yeni Azərbaycan Partiyasının  üzvü olan və  bitərəf 30 gənc layihədə iştirak etmək şansı əldə edəcək. 

Proqram müddətində iştirakçıların xüsusi meyarlar üzrə qiymətləndirilməsi həyata keçiriləcəkdir. Yekunda layihə iştirakçıları müəyyənləşdirilmiş mövzular üzrə təqdimatlarla çıxış edəcək və münsiflər heyəti tərəfindən qiymətləndiriləcəkdir. Yekun olaraq ən yüksək göstəricilərə malik məzunların təltif edilməsi planlaşdırılır. 

I “Davamlı İnkişaf Məktəbi” layihəsinə müraciət etmək üçün: https://bit.ly/3bfIovk

Müraciət üçün son tarix: 31.05.2021 23:00 (Bakı vaxtı ilə)

Layihə ilə əlaqədar suallarınızı aşağıdakı mail ünvanına göndərə bilərsiniz: davamliinkishafmektebi@gmail.com