Bank VTB (Azərbaycan)-ın yeni "Ödə və qazan" adlı aksiyası çərçivəsində sahibkarlar tətbiq olunan komissiya məbləğinin 5% -i həcmində CashBack əldə edəcəklər. Bunun üçün valyuta mübadiləsi, ölkə daxilində ödəmələr və dövlət büdcəsinə ödəmələr kimi əməliyyatları Direct Business Çat-Bank vasitəsilə həyata keçirmək kifayətdir.

Bundan başqa, Direct Business Çat-Bank-da ən fəal üç istifadəçi (əməliyyatların sayına görə) aksiya başa çatdıqdan sonra növbəti üç ay ərzində həyata keçiriləcək əməliyyatların komissiyasından 20%, 15% və 10% məbləğində əlavə CashBack qazanacaq. Qeyd edək ki, aksiya 30 aprel 2021-ci il tarixinədək qüvvədədir. 

Xatırladaq ki, Direct Business Çat-Bank fərdi sahibkarlara banka gəlmədən və vaxt itirmədən Facebook sosial şəbəkəsində maliyyə əməliyyatlarını həyata keçirməyə imkan verən VTB (Azərbaycan)-ın yeni rəqəmsal xidmətidir. Direct Business  Çat-bank müştərilərə biznes kart sifarişi, pul köçürmələri (ölkə daxilində, hesablar arası, dövlət büdcəsinə ödənişlər), nağdsız mübadilə, eləcə də QR-kod vasitəsilə hesabın artırılması kimi xidmətlərdən Messenger-də istifadə etməyə imkan verir.

Direct Business Çat-Bank-a sürətli giriş üçün QR kodu skan etmək kifayətdir.