1 USD 1,7    1 EUR 2,0657    1 RUB 0,0229    1 TRY 0,2396    XAU 3074,7815    XAG 47,1186    XPT 2126,7170    XPD 4011,9320   
           
/ Məzənnələr

 

 

İT Bridge Azerbaijan

şirkətinin İT ekspertlərinə facebook səhifəsi vasitəsilə suallarınızı təqdim edə bilərsiniz
 
Dr. Səidə Kərimova

«Mərkəzi Gömrük Hospitalı»,
Fizioterapevt-reabilitoloq
ətraflı məlumat
 













Digər xəbərlər


Rezident Leyla Məmmədova: “Bu kollektivdə işləyib təcrübə qazanmaqdan çox məmnunam”
19.02.2021

Mərkəzi Gömrük Hospitalının Azərbaycan Tibb Universiteti ilə 2018-ci ilin oktyabr ayında imzaladığı ikitərəfli müqaviləyə əsasən Universitetin məzunları Hospitalda rezidentura təhsili alırlar. Rezidentura təhsilinin məqsədi Universiteti bitirmiş tələbələrin gələcəkdə yüksəkixtisaslı həkim kimi yetişməsinə, onların peşəkar həkimlərin yanında təcrübə qazanmasına xidmət edir.

Hazırda Mərkəzi Gömrük Hospitalında rezidentura təhsili alan həkim-rezidentlərdən biri də 1-ci  kurs rezidenti Leyla Məmmədovadır.  

Rezident Leyla Məmmədova rezidentura təhsilinə başlayan dövrdə Mərkəzi Gömrük Hospitalı pandemiya xəstəxanası kimi fəaliyyət göstərərək, COVİD-19 virusu ilə mübarizəyə qoşulmuşdu. Hospitalın bütün kollektivi var gücünü bu təhlükəli infeksiyaya qarşı səfərbər edərək, gecəni-gündüzə qataraq koronavirus xəstələrinin müalicəsi ilə məşğul olmuşdur. Rezident Leyla Məmmədova Hospitalın yüksəkixtisaslı anestezioloq-reanimatoloqu Dr.Xeyal Məmmədovun rəhbərliyi altında nəzəri və praktiki biliklərə yiyələnir və bu şöbədə ən ağır xəstələrin qəbulu və müalicəsində yaxından iştirak edir.

Leyla Fəxrəddin qızı Məmmədova 1996-cı il yanvarın 19-da Bakı şəhərində anadan olub. Uşaq yaşlarından həkim olmaq arzusu ilə yaşayan Leyla xəyallarını gerçəkləşdirmək üçün 2013-cü ildə sənədlərini Azərbaycan Tibb Universitetinə verib. Qəbul imtahanlarından 513 bal toplayaraq, Universitetin Müalicə-profilaktika fakültəsinə daxil olub. 2019-cu ildə Universiteti bitirərək, 2020-ci ildə Mərkəzi Gömrük Hospitalının Anesteziologiya və reanimasiya ixtisası üzrə rezidenturaya qəbul olunub. 

Rezident Leyla Məmmədova rezidentura təhsili barədə deyir: “Mən təhsilimi Mərkəzi Gömrük Hospitalının Anesteziologiya və reanimasiya şöbəsində başlamışam. Yəqin ki, işin ağırlığından, gərginliyindən danışmağa ehtiyac yoxdur. Biz ən ağır koronavirus xəstələrini qəbul edir, onları normal həyata qaytarmaq üçün əlimizdən gələni edirik. Koronavirusla mübarizə müddətində xəstələrə düzgün yardım etməyə və ixtisasımı dərindən öyrənməyə çalışıram. Burada mənə kuratorum Dr.Xəyal Məmmədov və şöbənin reanimatoloqları kömək edir. Ümumiyyətlə, rezidentura təhsilinə başladığım ilk gündən Hospitalın rəhbərliyinin diqqət və qayğısını hiss etmişəm. Dövlət Gömrük Komitəsinin Tibbi Xidmət İdarəsinin rəisi Ceyhun Məmmədov biz rezidentlərlə tez-tez görüşür, işimizlə, problemlərimizlə  maraqlanır, dəyərli tövsiyələrini verir. Bu kollektivdə işləyib təcrübə qazanmaqdan çox məmnunam. Arzum savadlı, peşəkar həkim olmaq, xəstələrin şəfa diləyən gözlərinə baxıb onlara ümid vermək və bunu gerçəkləşdirməkdir”.

 


     



08.02.2021
Vüsal Gözəlov
“AccessBank”ın Cəlilabad filialının Rəhbəri
08.06.2020
Andrea Hagmann
“AccessBank”ın Müşahidə Şurasının üzvü
15.05.2020
Müseyib Əhmədov
Mərkəzi Gömrük Hospitalının ortoped-travmatoloqu
24.02.2020
Anar Həsənov
“AccessBank”ın İdarə Heyətinin Sədri
 
04.02.2020
Mircəlal Kazımi
Mərkəzi Gömrük Hospitalının cərrah-transplantoloqu
25.11.2019
Yevgeniya Qaşikulina
AccessBank-ın İdarə Heyəti sədrinin birinci müavini
23.10.2019
Emin Hacıbalayev
Mərkəzi Gömrük Hospitalının invaziv kardioloqu
12.07.2019
Mojtaba Haşemzadeh
Mərkəzi Gömrük Hospitalın yüksək ixtisaslı bariatrik cərrahı, tibb elmləri üzrə fəlsəfə doktoru


Company
About
Partners
Support
Products
Business catalog
Interview
Expert
Rating
Payment