BMqT-nin Azərbaycan nümayəndəliyi ABŞ-in Beynəlxalq İnkişaf Agentliyinin (USAID) maliyyə dəstəyi ilə həyatat keçirilən “Dayanıqlıq naminə ictimai fəaliyyət” layihəsi çərçivəsində yerli qurumlar və ali təhsil müəssisələrinin region gənclərinin təhsil və peşə hazırlığı sahələrindəki fəaliyyətlərini dəstəkləməkdə davam edir. BMqT yerli tərəfdaşlarla işbirliyi çərçivəsində Lənkəran Dövlət Universitetində “USAID LAB” adlı İT / Kompüter dərsləri üçün mərkəz yaratmışdır. Labaratoriya 17 ədəd kompüter, daxili proyektorlu interaktiv lövhə və lazımi mebellər ilə təmin edilərək qurulmuşdur. 

COVID-19-un yayılması nəticəsində məsafədən və rəqəmsal platformalarda həyata keçirilən elektron təhsilin yüksəlişi ilə tədris forması kəskin şəkildə dəyişdi. Bu baxımdan, adı çəkilən labaratoriya pandemiya sonrası dövrdə Universitetin onlayn dərslər vermə imkanlarını daha da genişləndirəcəkdir. “USAID LAB” universitetin tələbə və müəllim heyəti tərəfindən istifadə ediləcəkdir.