“Maneələrin Aradan Qaldırılması və Imkanların Açıqlanması”: PwC Azərbaycan CEO-ların 3-cü İllik Sorğusunun Əsas Nəticələrini təqdim etmişdir
● Valyuta məzənnəsinin dəyişkənliyi Azərbaycanda CEO-ların 37.18% üçün ən böyük təhlükə olaraq qalmaqdadır
● Azərbaycan CEO-ların təxminən 60% texnologiya, media və telekommunikasiya sahələrinə sərmayə qoyur.
● CEO-ların 83% gəlirin artırılması üçün əməliyyatın effektivliyinə daha çox diqqət yetirir
● Türkiyə və Rusiya artım perspektivləri baxımından iki ən əlverişli ölkədir
● CEO-ların 27% tansformasiya üzrə gündəliyin bir hissəsi kimi ixtisasartırma sahəsində əhəmiyyətli irəliləyişə nail olublar
1 iyun tarixində PwC Azərbaycan Azərbaycanda CEO-ların 3-cü İllik Sorğusunu dərc etmişdir.
PwC Azərbaycan tərəfindən keçirilən CEO Sorğusu PwC-nin son 22 il ərzində Davosda keçirilən Dünya İqtisadi Forumunda təqdim olunan PwC-nin CEO-ların İllik Qlobal Sorğusunun bir hissəsidir. Sorğuda Azərbaycanda bütün əsas sektorlarda fəaliyyət göstərən 80 özəl və dövlət şirkətin CEO-ları iştirak etmiş və inkişaf, maneələr, ixtisasartırma və bir çox digər mövzularda fikirlərini bölüşmüşlər. Sorğu COVID-19 pandemiyasından əvvəl keçirilmişdir və biz anlayırıq ki, CEO-ların bəzi məsələlərə dair fikirləri bu iki ay ərzində dəyişə bilər. Eyni zamanda, CEO-ların iqtisadi artım, geosiyasi qeyri-müəyyənlik və ixtisasarımı kimi biznesə təsir göstərən əsas məsələlərdə mövqeləri dəyişməyib.
Qlobal bazarda mövcud çətinliklərə baxmayaraq, Azərbaycan CEO-ları rəhbərlik etdiyi şirkətlərin artım perspektivlərinə dair hələ müəyyən nikbinlik nümayiş etdirir. Bizneslərini inamla inkişaf etdirmək bacarıqlarına baxmayaraq, CEO-lar inkişaf planlarını poza biləcək daxili və kənar maneələrdən məlumatlıdırlar. Yerli CEO-ların 37.18% üçün valyuta məzənnəsinin dəyişkənliyi ən böyük təhlükə olaraq qalmaqdadır, CEO-ların 32.47%-ni artan geosiyasi qeyri-müəyyənlilik, 23.38% isə vergi yükü və qeyri-müəyyən iqtisadi artım narahat edir.
Azərbaycanın CEO-ları hesab edir ki, bu transformasiya işçiləri ixtisara salmadan, fəaliyyətin səmərəliliyinin və iş təcrübəsinin artırılması məqsədilə insan resurslarına investisiyalar tələb edəcək. Nəticədə, CEO-ların yalnız 5% işçilərini ixtisara salmaq niyyətindədir, CEO-ların 26%-i isə ünsiyyət, texniki və rəqəmsal bacarıqlar sahəsində ixtisasartırma proqramının yaradılmasına nail olublar. Azərbaycanın biznes liderlərinin sürətli inkişaf edən sahələrə investisiya qoymağa maraqlı olmasının göstəricisi CEO-ların 58%-nin texnologiya, media və telekommunikasiya sahələrinə investisiya qoymağı üstün tutmalarıdır.
CEO-ların 82.5% fəaliyyətin təkmilləşdirilməsi və gəlir axınlarına təkan vermək üçün növbəti 12 ay ərzində işin effektivliyinin artırılmasını planlaşdırır.
PwC Azərbaycan özəl və dövlət sektorunda fəaliyyət göstərən iri şirkətlərin rəhbələri ilə 80 müsahibə aparmışdır. Müsahibələr əsasən onlayn rejimində, sonra isə şəxsi görüşlər formatında keçrilmişdir. Müsahibələr bir sıra sektorları əhatə etmişdir. Bütün müsahibələr məxfi şəkildə keçirilmişdir. Respondentlərin 18%-nin gəlirləri 101-999 milyon ABŞ dollar cıvarında olmuşdur; şirkətlərin 72%-nin səhmləri birjada listinqə çıxarılıb; 54% - 11-25 illik biznes fəaliyyəti ilə məşğuldur.
Qeydlər:
Hesabatı aşağıdakı linkdən yükləyə bilərsiniz: https://pwc.to/2LIrjNI
