Dr.Sevda Quliyeva 2010-cu ildə Azərbaycan Tibb Universitetinin Müalicə-profilaktika fakültəsini bitirmiş, 2010-2011-ci illərdə Mərkəzi Dəmiryol Xəstəxanasında terapevt ixtisası üzrə internatura keçmişdir.

Dr.Sevda Quliyeva 2012-2017-ci illərdə Türkiyənin İstanbul Universitetinin Tibb fakültəsində təhsilini davam etdirərək anestezioloq-reanimatoloq ixtisası üzrə uzman həkim adını almışdır. O, 2017-2019-cu illərdə İstanbul şəhərində fəaliyyət göstərən Avrasiya Hospitalında anestezioloq-reanimatoloq kimi çalışmışdır.

Daim öz üzərində çalışan Dr.Sevda Quliyeva öz sahəsi üzrə beynəlxalq konqreslərdə, konfranslarda və simpoziumlarda iştirak edir. Türkiyə Anesteziologiya və Reanimasiya Dərnəyinin təşkilatçılığı ilə keçirilən 53-cü Milli Konqresi çərçivəsində Alparslan Turan adına keçirilən klinik araşdırma yarışmasında "Laparoskopik əməliyyatlarda fərqli intraoperativ oksigen inspirasiya fraksiyalarının qlikokaliks üzərinə təsiri" adlı çalışması ilə birinci yerə layiq görülmüşdür.