Ölkənin aparıcı banklarından olan “AFB Bank”-da yeni təyinat olub. 

Viladi Maniyev Bankın Müşahidə Şurasının üzvü vəzifəsinə təyin edilib. O, 25 Fevral 2020-ci il tarixindən etibarən vəzifəsinin icrasına başlayıb. 

Viladi Maniyev maliyyə sektorunda 20 ildən çox təcrübəyə malikdir. O, “Qala Sığorta” ASC, “Caspian Insurance Company”, Chartis Azerbaijan (keçmiş AIG Caspian)  kimi şirkətlərdə rəhbər vəzifələrdə çalışıb. 

Qeyd edək ki, o, 2016-ci ildən çalışdığı “AZSIĞORTA” ASC-də Direktorlar Şurasının Sədri vəzifəsini icrasına davam edir.

Viladi Maniyev 1977-ci ildə Azərbaycan Dövlət Universitetində “Fizika” ixtisası üzrə bakalavr pilləsində təhsil almışdır.

Hazırda 11 filial və 5 şöbəsi ilə fəaliyyət göstərən ölkənin aparıcı maliyyə qurumlarından olan AFB Bank ASC öz fəaliyyətinə 2009-cu ilin fevral ayında başlamışdır. Daim yenilənən xidmətlər barədə daha ətraflı məlumatı www.afb.az saytından, 1545 zəng mərkəzindən və ya Bankın müxtəlif sosial şəbəkələrdə olan səhifələrindən əldə edə bilərsiniz.