Baki, FinanceTime. Ölkə başçısının 16.11.2016-cı il tarixli 1113 nömrəli Fərmanı ilə təsdiq edilmiş Qaydaya əsasən mənzil əldə etmək hüququ olan şəxslərə təklif olunan güzəştlərdən biri də Azərbaycan Respublikası İpoteka və Kredit Zəmanət Fondunun vəsaiti hesabına verilən güzəştli ipoteka kreditidir.
Ölkə vətəndaşlarının sosial rifahının daha da yaxşılaşdırılması ilə bağlı dövlət siyasətinə töhfə vermək məqsədilə Bank BTB İpoteka və Kredit Zəmanət Fondunun müvəkkil bankları sırasına daxil olmuş və artıq 3 ildir Azərbaycan Respublikasının Mənzil İnşaatı Dövlət Agentliyinin tabeliyində fəaliyyət göstərən “MİDA” MMC ilə əməkdaşlıq edir.
Son göstəricilərə əsasən, Bank BTB 2019-cu ilin oktyabr ayında MİDA-nın satışa çıxardığı 570 mənzildən 202–ni İpoteka və Kredit Zəmanət Fondunun vəsaiti hesabına güzəştli ipoteka krediti vasitəsilə rəsmiləşdirərək rekord göstəriciyə imza atıb. Belə ki, vətəndaşların istifadəsinə verilən 202 mənzil üzrə kreditin ümumi məbləği 9.448.696 AZN təşkil edir.
Güzəştlə mənzil əldə etmək hüququna malik olan vətəndaşlar “Elektron hökumət” portalında yerləşən (www.e-gov.az) “Güzəştli mənzil” sistemində qeydiyyatdan keçərək şəxsi elektron kabinet yarada bilərlər. Ətraflı: https://mida.gov.az
Bank xidmətləri haqqında (012) 946 nömrəli Məlumat Mərkəzindən, 055 3000 946 WhatsApp nömrəsindən (https://wa.me/994553000946), həmçinin, www.btb.az rəsmi saytından və ya bankın www.facebook.com/bankbtb və www.instagram.com/bankbtb/ ünvanlarında olan Facebook və Instagram səhifələrindən ətraflı məlumat almaq mümkündür.
