Bakı, FinanceTime. Beynəlxalq Miqrasiya Təşkilatının Azərbaycan nümayəndəliyi tərəfindən növbəti sertifikatları təqdim etmə mərasimi 27 sentyabr tarixində Lənkəran şəhərində peşə bacarıqları təlimlərini uğurla başa vuran 37 iştirakçı üçün təşkil olunmuşdur. Təlimlər iyun-sentyabr aylarında Quba, Zaqatala və Lənkəranda iki modulda - vergi və mühasibatlıq, digəri isə ECDL üzrə (European Computer Driving Licence – Avropa Kompüter Bilikləri Səviyyə Sertifikatı) keçirilmişdir.

Peşə bacarıqları təlimləri BMT-nin Miqrasiya Agentliyi olan BMqT tərəfindən USAID/Azerbaijanın maliyyə dəstəyi ilə icra olunan “Dayanıqlıq naminə ictimai fəaliyyət” layihəsi çərçivəsində region gənclərinin peşə bacarıqlarının artırılması məqsədilə təşkil olunmuşdur.