|
|
|
| Digər xəbərlər |  |
 | BMqT peşə təlimlərini başa vuran gənclərə sertifikatlar təqdim etmişdir
|
| 26.09.2019 | |
 | |
Bakı, FinanceTime. 24 sentyabrda Zaqatala şəhərində Beynəlxalq Miqrasiya Təşkilatının Azərbaycan nümayəndəliyi tərəfindən təşkil edilən peşə bacarıqları təlimlərini uğurla başa vuran ilk 37 iştirakçıya sertifikatlar təqdim edilmişdir. Təlimlər iyun-sentyabr aylarında Quba, Zaqatala və Lənkəranda iki modulda - vergi və mühasibatlıq, digəri isə ECDL üzrə (European Computer Driving Licence – Avropa Kompüter Bilikləri Səviyyə Sertifikatı) keçirilmişdir.
Mərasimdə BMqT-nin nümayəndələri və yerli icra hakimiyyətinin təmsilçiləri iştirak etmiş və təlimləri uğurla başa vuran məzunlara sertifikatlar təqdim edilmişdir.
Peşə bacarıqları təlimləri BMT-nin Miqrasiya Agentliyi olan BMqT tərəfindən USAID/Azerbaijanın maliyyə dəstəyi ilə icra olunan “Dayanıqlıq naminə ictimai fəaliyyət” layihəsi çərçivəsində region gənclərinin peşə bacarıqlarının artırılması məqsədilə təşkil olunmuşdur.
 |
|
|
|
