Bakı, FinanceTime. Beynəlxalq Miqrasiya Təşkilatınin Azərbaycandakı nümayəndəliyi yeni veb saytını (www.iom.az) istifadəyə verdi. Bu yeni veb saytı hazırlamaqda əsas məqsəd ziyarətçilərə xəbərləri və layihələr haqda öyrənməyin daha asan bir yolunu təqdim etmək və onlara öz seçimləri əsasında məlumatları nəzərdən keçirməsinə imkan verməkdir.

Ziyarətçilər nümayəndəliyin tədbirləri, yenilikləri barədə faydalı məlumatları veb-saytın Xəbərlər (NEWS) bölməsində tapa biləcəklər. Layihələr (PROJECTS) bölməsində həyata keçirilməkdə olan layihələr işıqlandırılır və əldə edilən nəticələr açıqlanır.

Saytı ziyarət edənlər nümayəndəliyin yeni nəşrlərilə əlaqədar faydalı məlumatları Nəşrlər (Publications) bölməsində əldə edəcəklər və hətta onların elektron versiyalarını öz məqsədləri üçün istifadə edə bilərlər.

Veb-saytın Karyera (CAREERS) və Tenderlər (TENDERS) bölmələrində ziyarətçilər BMqT Azərbaycan nümayəndəliyinin iş yerləri və elan etdiyi tenderləri haqda elanları tapa biləcəklər.

Saytın müvafiq bölmələrinin tərkibi mütəmadi olaraq faydalı məlumatlar, məqalələr, xəbərlər, elanlar ilə daim yenilənəcək.

Yeni sayt qısa zamanda ziyarətçilər, donorlar və tərəfdaşlar (və maraqlanan hər kəsi) üçün faydalı məlumat mənbəyinə çevriləcək. Yeniliklərlə həmçinin nümayəndəliyin ünvanları saytda yerləşdirilən sosial media səhifələrinə daxil olmaqla da tanış olmaq olar.

Hər hansı bir sual, təklif, rəy və ya şərh üçün, www.iom.az saytındakı Bizimlə əlaqə saxla (CONTACT US) bölməsinə daxil olmaqla əlaqə saxlamaq mümkündür.

Sonda yeni saytın hazırlanmasında vaxtını və enerjisini sər etmiş hər bir kəsə təşəkkür edirik.