Bakı, FinanceTime. 30 avqust tarixində Beynəlxalq Miqrasiya Təşkilatı Gəncə şəhərində Azərbaycan Dövlət Aqrar Universitetinin (ADAU) 11 müəllim heyəti və BMqT-nin yerli nümayəndəliyinin 5 əməkdaşı üçün Kəhrizlərin İnşaası və onlara texniki qulluq üzrə təlimçilər üçün 3 günlük təlim keçirmişdir. Təlimi Beynəlxalq Kanallar və Tarixi Hidrovlik Strukturlar Mərkəzindən (ICQHS) (UNQESCO-nun II kateqoriyalı mərkəzi) olan iki mütəxəssis aparmışdır. Təlimin ardından ADAU-nun müəllim heyəti və BMqT-nin əməkdaşları biliklərini artırmaq və kəhriz inşası və onlara qulluq üzrə ən yaxşı təcrübəni öyrənmək üçün sentyabrın 2-dən 4-dək Naxçıvana səfər edəcəklər.
ADAU müəllimlərinə Kahriz mühəndisliyi kursunu rəsmi universitet tədris planının bir hissəsi olaraq inkişaf etdirməsinə imkan yaratmaq məqsədi daşıyan bu təlim Koreya Beynəlxalq Əməkdaşlıq Agentliyinin (KOICA) maliyyə dəstəyi ilə həyata keçirilən “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsi çərçivəsində baş tutmuşdur.
Adı çəkilən layihə çərçivəsində ADAU-da Kahriz Tədqiqat və İnformasiya Mərkəzinin yaradılması ilə yanaşı məcburi köçkünlərində sıx məskunlaşdığı Ağdam, Ağcabədi, Bərdə, Fuzuli, Gəncə, Qazax, Goranboy və Göygöl rayonlarının ərazisində 40-a yaxın kəhrizin bərpası nəzərdə tutulur.