Bakı, FinanceTime. BMqT Könüllü Qayıdışa Yardım və Reinteqrasiya (AVRR) layihələri çərçivəsində könüllü ölkəyə qayıdan miqrantlara reinteqrasiya yardımı göstərməkdə davam etdirir

29 iyul tarixində BMqT-nin Azərbaycan nümayəndəliyi Niderland Krallığından könüllü mənşə ölkəsinə qayıtmış növbəti ailəyə Könüllü Qayıdışa Yardım və Reinteqrasiya layihələri çərçivəsində kiçik ailə təsərrüfatının yaradılmasına köməklik göstərmişdir. Ailəyə İmişli rayonunda, BMqT-nin maliyyə dəstəyi ilə gəlir gətirən fəaliyyətin qurulması üçün 9 baş inək və 9 baş buzov satın alınaraq təhvil verilmişdir.

BMqT-nin Azərbaycandakı nümayəndəliyi hazırda İsveçrə, Belçika, Almaniya, Macarıstan, İtaliya, Hollandiya, Türkiyə və Latviyadan könüllü geri dönənlərə yardım fəaliyyətini göstərir. Ayrılmış reinteqrasiya vəsaitləri bir iş qurmaq, mövcud biznesə sərmayə qoymaq, təhsil almaq, habelə müvəqqəti yaşayış üçün istifadə edilə bilər.