Bakı, FinanceTime. İyulun 26-da Beynəlxalq Miqrasiya Təşkilatının Azərbaycandakı nümayəndəliyinin rəhbəri Vladimir Qyorqiyev Baş Nazirin müavini, Beynəlxalq Humanitar Yardım üzrə Respublika Komissiyasının sədri Əli Həsənovla görüşüb.

Tanışlıq xarakterli olan görüşdə Qriqoryev təmsil etdiyi qurum və Azərbaycan höküməti arasında mövcüd olan əməkdaşlıqdan öz məmnunluğunu bildirmiş və gələcək layihələrdə birgə işləməkdə maraqlı olduqlarını vurğulamışdır. Qyorqiyev BMqT-nin ən fəal üzvlərindən biri olan Azərbaycanda həyata keçirdikləri layihələrdə hökümətdən daim dəstək gördüklərini və bu dəstəyə, işgüzar və səmərəli əməkdaşlıq münasibətinə görə dərin minnətdarlığını bildirdi.

Əli Həsənov BMqT-nin Azərbaycandakı nümayəndəliyinin fəaliyyətinə toxunaraq bildirib ki, nümayəndəlik Azərbaycan Hökuməti ilə çox sıx əməkdaşlıq şəraitində ölkə üçün prioritet olan müxtəlif layihələr, proqramlar həyata keçirir. Həsənov nümanəynədliyin layihələrinə gələcəkdə də hərtəfərli dəstək veriləcəyini qeyd etmişdir.