|
|
|
Digər xəbərlər | | | BMqT region gənclərinə peşə təlimləri keçirir |
17.07.2019 | |
| |
Bakı, FinanceTime. Beynəlxalq Miqrasiya Təşkilatının Azərbaycan nümayəndəliyi tərəfindən USAID Azərbaycanın maliyyə dəstəyi ilə icra olunan “Dayanıqlıq naminə ictimai fəaliyyət” layihəsi çərçivəsində region gənclərinin peşə bacarıqlarının artırılmasına dair fəaliyyəti davam edir. İyun ayından etibarən Quba, Zaqatala və Lənkəran şəhərlərində ümumilikdə seçilmiş 106 gənc üçün peşə bacarıqları təlimi təşkil edilir. Sentyabr ayına qədər davam edəcək təlimlərdə gənclər seçdikləri modul üzrə təlimlərə cəlb olunurlar. Modul-1 peşəkar mühasibatlıq və vergi mütəxəssisi hazırlama proqramı, Modul-2 isə, ECDL təlimi (European Computer Driving Licence – Avropa Kompüter Bilikləri Səviyyə Sertifikatı) üzrə keçirilir. Bununla yanaşı hər iki modul üzrə proqrama ingilis dili, eləcə də CV yazma, işə müraciət, müsahibə bacarıqları üzrə təlim kursu da daxil edilmişdir.
106 gənc layihənin əhatə dairəsinə uyğun olaraq Quba-Qusar-Xaçmaz, Şəki-Balalkən-Zaqatala və Masallı-Lənkəran-Astara rayonlarından müraciət edən gənclər arasından seçilmişdir.
|
|
|
|