Bakı, FinanceTime. 11 iyul tarixində Beynəlxalq Miqrasiya Təşkilatının Azərbaycan nümayəndəliyinin rəhbəri Vladimir Qyorqiyevin rəhbəliyi altında təşkilatın təmsilçiləri ABŞ-ın Beynəlxalq İnkişaf Agentliyinin maliyyə dəstəyi ilə BMqT-nin Dini Qurumlarla İş Üzrə Dövlət Komitəsi ilə birgə həyata keçirdiyi ‘Həssas İcmaların Dayanıqlılığının Gücləndirilməsi’ layihəsi çərçivəsində dəstəklənən kiçik sahibkarlıq fəaliyyətlərinin monitoriqi üçün Masallı rayonuna səfər etdilər.

Səfər zamanı nümayəndələr Masallı rayonunun Binə Xocavar kəndinə baş çəkərək kənd sakinləri Bənarə Hacıyevayanın dərzi sexində, Dadaşovlar ailəsinin gəzəllik salonunda və Məhəmməd Teymruluya məxsus olan mebel sexində oldular. Monitorinq zamanı layihə benefisiarlarının biznesinin uğurla davam etdiyini və onların artıq fəaliyyətlərinin daha da genişləndirmək haqda planlar qurduğu məlum oldu.

Qeyd edək ki, ‘Həssas İcmaların Dayanıqlılığının Gücləndirilməsi’ layihəsi həssaslığı ilə seçilən əhali qruplarının tənzimlənməyən miqrasiya, insan alveri, əməyin istismarı, məcburi əmək, eləcə də, zorakı ekstremizm və radikallaşma qurbanına çevrilməsinin qarşısının alınması, onların sosial-iqtisadi rifahının artırılması məqsədini daşıyır.