BMqT-in Azərbaycan nümayəndəliyinin təmsilçiləri Lənkəran Dövlət Universitetində olmuşlar
12.07.2019
Bakı, FinanceTime. 11 iyul tarixində Beynəlxalq Miqrasiya Təşkilatının Azərbaycandakı nümayəndəliyinin rəhbəri Vladimir Qyorqiyev başda olmaqla təşkilatın təmsilçiləri Lənkəran Dövlət Universitetinin (LDU) Tədrisin təşkili və təlim texnologiyaları üzrə prorektoru İdrak Əsgərov, Sosial məsələlər üzrə prorektor Kamran Kazımov və Beynəlxalq əlaqələr şöbəsinin müdiri Zaur Məmmədovdan ibarət universitetin heyəti ilə görüşmüşdür.
Görüşdə BMqT-nin Azərbaycanda həyata keçirdiyi layihələri çərçivəsində mümkün əməkdaşlıq perspektivləri müzakirə olunmuşdur. BMqT və LDU təmsilçiləri arasında Universitetin tələbələri də daxil olmaqla region gənclərinin gələcək karyeralarını qurmaq üçün davamlılığın artırılması və bilik və bacarıqların ötürülməsi baxımından hər iki tərəfin mümkün əməkdaşlıq və müştərək fəaliyyətlərini daha ətraflı nəzərdən keçirtmək üçün yeni görüşlərin keçirilməsi haqda razılıq əldə olunmuşdur.