Bakı, FinanceTime. BMqT-nin Azərbaycan nümayəndəliyi Birləşmiş Ştatların Beynəlxalq İnkişaf Agentliyi (USAID) Azərbaycan tərəfindən maliyyələşdirilən "Dayanıqlıq naminə İcitmai Fəaliyyət" layihəsi çərçivəsində ölkə ərazisindəki Gənclər Evlərini dəstəkləməkdə davam edir. BMqT tərəfindən 2018-ci il sentyabr ayından etibarən Azərbaycan Respublikası Hökuməti ilə sıx əməkdaşlıqda həyata keçirilən "Dayanıqlıq naminə İcitmai Fəaliyyət" layihəsinin məqsədi yerli icmaların qarşılaşdığı müxtəlif sosial-iqtisadi çətinliklərə qarşı dayanıqlılığını gücləndirməkdən ibarətdir.
28 iyun tarixində bu layihə çərçivəsində Balakən rayon Gənclər Evində kompüter və rəqs otaqlarının açılış mərasimi keçrilmişdir. Açılış mərasimində ABŞ İnkişaf Agentliyinin (USAID) təmsilçisi Emin Məmmədli və BMqT-nin nümayəndələri ilə yanaşı Balakən rayon İcra Hakimiyyəti başçısının müavini Nəzakət Rüstəmova, rayon Gənclər və İdman İdarəsinin müdiri Rasim Paçalov və Gənclər Evinin direktoru Taleh Şahverdiyev iştirak ediblər.
Layihə çərçivəsində kompüter otağı əsaslı təmir olunmuş və on beş nəfər üçün tədris prosesini təmin etmək üçün nəzərdə tutulmuş bir sıra İT avadanlıqları (kompüterlər, smart lövhə, proyektor və s.), rəqs otağı da öz növbəsində lazımi avadanlıqlarla təchiz olunmuşdur. Hər iki otaq artıq Balakən gənclərinin istifadəsinə verilmişdir.