Bakı, FinanceTime. BMT-nin Miqrasiya Agentliyi olan Beynəlxalq Miqrasiya Təşkilatının (BMqT) Azərbaycandakı Nümayəndəliyi11-12 iyun 2019-cu il tarixlərində Hyatt Regency İclas və Konfrans Mərkəzinin Şuşa zalındaAzərbaycan dövlət qurumlarının, özəl sektor nümayəndələrinin və beynəlxalq ekspertlərin iştirakı ilə Əmək miqrasiyası idarəçiliyinə və əməkçi miqrantların müdafiəsinə dair iki günlük seminar keçirir. Seminarın keçirilməsində əsas məqsəd ən yaxşı təcrübələrin öyrənilməsi, mövzu üzrə fikir mübadiləsi və mövcud çətinlikləri müzakirə etməkdir.
Tədbir Azərbaycan hökuməti ilə əməkdaşlıqda ABŞ Dövlət Departamentinin Narkotiklər və Hüquq Mühafizəyə dair Beynəlxalq Məsələlər üzrə Bürosu (INL) tərəfindən maliyyələşdirilən “Azərbaycanda potensialların artırılması və texniki dəstək vasitəsilə insan alverinə qarşı mübarizənin səmərəliliyi üçün əməkdaşlığın gücləndirilməsi – VI Faza” layihəsi çərçivəsində həyata keçirilir. Layihənin məqsədi Azərbaycan hökumətini insan alveri və transmilli mütəşəkkil cinayətkarlığa qarşı mübarizədə dəstəkləmək və bu sahədə yerinə yetirilən milli səylərə töhfə verməkdən ibarətdir.
Seminarın ilkin gündəliyi elektron poçt vasitəsilə diqqətinizə çatdırılır.
Tədbirimizdə sizin nümayəndəni görməkdən məmnun olardıq.
Qeyd olunan məsələlərlə bağlı əlavə məlumata ehtiyac olduğu təqdirdə BMqT-nin əməkdaşı Pərvin Vəliyeva ilə 465 90 71 / 72 (daxili nömrə 121) nömrəsi və ya pvaliyeva@iom.int e-poçt ünvanı vasitəsi ilə əlaqə saxlaya bilərsiniz.
