Bakı, FinanceTime.Azərbaycan Respublikasının Mərkəzi Bankının nağdsız ödənişlərin stimullaşdırılması məqsədilə keçirdiyi “Kartla ödə, Kartla qazan!” lotereyası artıq yekunlaşdı.
Fevral, mart və aprel aylarını əhatə edən lotereyada ölkə ərazisində fəaliyyət göstərən istənilən bankın plastik kartı ilə ölkədaxilində POS-terminal vasitəsilə minimum 5 AZN dəyərində ödəniş edən 1800 nəfər qalib seçilərək, Mərkəzi Bank tərəfindən 50 AZN pul mükafatı qazandı.
Qaliblər sırasında olan 87 nəfər Bank of Baku müştərisi isə əlavə olaraq Bank of Baku tərəfindən mükafat əldə etdi.
Belə ki, nağdsız hesablaşmaların artırılması istiqamətində görülən işlərdə hər zaman öndə olan Bank of Baku, lotereyada qalib olan müştərilərinə özəl kampaniyaya start vermişdi. Nəticədə lotereyanın birinci tirajında 32 nəfər, ikinci tirajında 28 nəfər və aprel ayında keçirilən sonuncu tirajda 27 nəfər Bank of Baku müştərisi bankdan əlavə olaraq Bolkart debet + 50 AZN BAL qazandı.
Qeyd edək ki, müştərilərin qazandığı BAL-lar onlara pulsuz alış-veriş imkanı qazandıracaq. 1 BAL=1 AZN kimi qiymətləndirilir. Yəni, müştəri Bolkartın istənilən partnyor mağazalarında 50 AZN dəyərində alış-veriş edə bilər.
Bolkart debet kart sahibləri eyni zamanda, illik 5% gəlir və alış-veriş zamanı 45%-dək BAL qazanma üstünlüyündən də faydalanacaqlar.
Bank of Baku-nun keçirdiyi məhsul, xidmət və aktiv kampaniyaları haqqında ətraflı məlumatla Bankın 145 Məlumat Mərkəzinə zəng edərək və ya Bankın rəsmi Facebook səhifəsinə - www.facebook.com/bankofbaku daxil olaraq tanış olmaq olar.
Daha ətraflı:
145 Məlumat Mərkəzi
www.bankofbaku.com
www.facebook.com/bankofbaku
