“Üçüncü Bahar” təşəbbüs qrupunun həmtəsisçisi
Bakı, FinanceTime. “She Congress Azerbaijan”ın “Mənfəətdən daha artıq: dəyişiklik gözləmə, özün yarat” adlı panelində “Üçüncü Bahar” təşəbbüs qrupunun həmtəsisçisi Nərmin Qəniyeva “Sosial sahibkarlıq” mövzusunda çıxış etmişdir.
Çıxışı zamanı o, sosial məsuliyyət daşıyan ideaların real layihələrə çevrilməsi istiqamətində görülən işlərdən,eləcə də Üçüncü Bahar layihəsinin ahıl insanların həyatına müsbət təsirindən söz açıb.
Onun sözlərinə görə, yarandığı 2 ildən artıq müddətdə təşəbbüs qrupu artıq 2 000-ə qədər təqaüdçünü əhatə edib. O, layihə çərçivəsində təqaüd yaşına çatmış insanların sosial rifahının yaxşılaşdırılması məqsədi ilə onlar arasında kiçik sahibkarlığın inkişafı istiqamətində görülən işlər və nəticələr haqqında məlumat vermişdir.
Qeyd edək ki, “Üçüncü Bahar” təşəbbüs qrupu 19 fevral 2017-ci ildə faəliyyətə başlayıb. Qrup təqaüdə çıxmış insanlar üçün həyatın yeni səhifəsini daha rəngarən daha dinamik olması istiqamətində müxtəlif tədbirlər təşkil edir. Üzvlərin maraq dairələrinə uyğun olaraq Qrup 3 istiqamət üzrə fəaliyyət göstərir:
• Maarifləndirici
• Sağlamlıq
• Yaradıcılıq
Təşəbbüs qrupunun “YAŞA” mərkəzi fəaliyyət göstərir. Mərkəzdə təqaüdçülər üçün müxtəlif mövzulu təlim- tədris proqramları təşkil edilir. Tədbirlər təqaüdçülər üçün tam ödənişsiz əsaslarla keçirilir. Mərkəz Bakıxanov qəs. Yavər Əliyev küç. 1 ünvanında yerləşir.