Bakı, FinanceTime. Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının Rəyasət Heyətinin yeni tərkibdə  ilk iclası keçirilib. İclasda Konfederasiyanın cari ildə iş planı, üzvlük strategiyasının hazırlanması, ASK-nın ümumi strukturunun, komissiyaların və regional nümayəndəliklərin təşkili və 2019-cu ildə ASK-nın təsis edilməsinin 20-ci il dönümü ilə əlaqədar tədbirlərin keçirilməsi məsələləri müzakirə olunub.

 Struktur dəyişikliyi çərçivəsində Konfederasiyanın İctimaiyyətlə əlaqələr və kadrlar şöbəsinin Dövlət orqanları və Sahibkarlarla iş şöbəsi ilə birləşdirilərək Sahibkarlarla iş və kommunikasiya şöbəsi, Hüquq və əmək münasibətləri şöbəsinin  Hüquq və sosial tərəfdaşlıq şöbəsi, Beynəlxalq əlaqələr və Biznesin İnkişafı şöbəsinin Beynəlxalq əlaqələr və dayanıqlı inkişaf şöbəsi  adlandırılması təklif olunub. (Təklif edilən struktur və onun tərkibi emaila əlavə olunub). Bundan başqa qeyd olundu ki, yaxın vaxtlarda ASK yeni ünvanda fəaliyyət göstərəcək və bunun üçün artıq razılaşma əldə olunub. Qeyd edək ki, hazırda ASK Bakı şəhəri,  Həsən Əliyev küçəsi 57 ünvanında  icarəyə götürülmüş  binada fəaliyyət göstərir.