Azərbaycan Dövlət Neft Şirkəti (ARDNŞ) Gürcüstanda qaz distribyusiyası ilə məşğul olan «Itera Georgia» şirkətinin aktivlərini alıb.

«APA-ECONOMICS»in məlumatına görə, bunu ARDNŞ-in prezidenti Rövnəq Abdullayev bildirib.

Onun sözlərinə görə, hazırda ARDNŞ Tbilisi şəhəri istisna olmaqla Gürcüstanın qalan ərazisində mövcud qaz şəbəkəsini idarə edir. Bununla yanaşı ARDNŞ tərəfindən Gürcüstanda iri qazlaşdırma işləri aparılır: «Bu çox yaxşı biznesdir. Belə ki, öz qazımızı birbaşa sata bilirik». 

«Itera»nın aktivlərinin alqı-satqı qiymətinə gəldikdə, R.Abdullayev bildirib ki, sövdələşmənin dəyəri bir o qədər də iri həcmli olmayıb. 

www.apa.az