Mərkəzi Gömrük Hospitalının Reanimasiya və Anesteziologiya şöbəsinin rəisi, anestezioloq-reanimatoloq Tural Sadıqov 2 fevral 2024-cü il tarixində “Regional anesteziya və onun üstünlükləri” mövzusunda təqdimatla çıxış edib. Tədbirdə Mərkəzi Gömrük Hospitalının rəis müavini Nabil Seyidov, Uşaq Cərrahiyyəsi şöbəsinin rəisi Vüsal Cəfərov, Təcili Tibbi Yardım şöbəsinin təcili tibbi yardım həkimi Tofiq Bayramov, həkim-psixiatrı, t.ü.f.d. Dr.Gülay Məmmədzadə, reanimotoloq və anestizioloq ixtisası üzrə təhsil alan həkim-rezidentlər və tibb tələbələri iştirak ediblər. Tural həkimin çıxışını Mərkəzi Gömrük Hospitalının youtube kanalında izləyə bilərsiniz: https://youtu.be/hwMIPwMap80

Dr.Tural Sadıqov çıxışında regional anesteziyanın üstünlükləri, spinal anesteziya, spinal anesteziyayaya göstərişlər və əks-göstərişlər, ağırlaşmalar, epidural anesteziya, spinal və epidural anestesiyanın müqayisəli üsulla bir-birindən fərqi, epidural anesteziyanın üstünlükləri, periferik bloklar, interskalen, aksilyar,  popliteal və safen bloklar barədə ətraflı məlumat verib. Təqdimatın sonunda Tural həkim əyani və zoom üzərindən iştirak edən iştirakçıların suallarını cavablandırıb, mövzu ətrafında geniş müzakirələr aparılıb.

Mərkəzi Gömrük Hospitalının Reanimasiya və İntensiv Terapiya şöbəsinin rəisi, anestezioloq-reanimatoloq Tural Sadıqov 2007-ci ildə Azərbaycan Tibb Universitetinin Müalicə profilaktika fakültəsini bitirib. Əmək fəaliyyətinə 2009-cu ildən dövlət və özəl tibb müəssisələrində həkim-anestezioloq kimi başlayan Tural həkim 2014-cü ildən Mərkəzi Gömrük Hospitalında Reanimasiya və intensiv terapiya şöbəsinin rəisi, anesteioloq-reanimatoloq kimi çalışır.