2023-cü ilin avqustunda işçilərin rəqəmsal savadlılığının artırılması üçün yaradılan “Kaspersky Security Awareness” həlli SoftwareReviews tərəfindən hazırlanmış hesabatda öz kateqoriyasında lider seçilib. “Kaspersky” təlimləri uzun illərdir ki bütün dünyada təşkilatlar tərəfindən istifadə olunur: onların köməyi ilə 75-dən çox ölkədə şirkətlər artıq mütəxəssislər, xətt menecerləri və top-menecerlər də daxil olmaqla 1 milyondan çox işçiyə təlim keçiblər.
“Kaspersky Security Awareness” həlli İT mütəxəssislərinin və biznes departamenti əməkdaşlarının proqram təminatının imkanları və funksiyalarından, eləcə də təchizatçı ilə qarşılıqlı əlaqə təcrübəsindən məmnunluq səviyyəsini əks etdirən “Net Emotional Footprint” göstəricisi üzrə 89 xal əldə edib. “Kaspersky”-nin bu məhsulu məhsulla qarşılıqlı əlaqə üzrə istifadəçi təcrübəsi, tətbiqinin asanlığı və istifadəsi, həmçinin müştəri dəstəyi səviyyəsinə görə ən yüksək qiymətlərə layiq görülüb. İstifadəçilərin böyük əksəriyyəti (90%) həmkarlarına “Kaspersky Security Awareness” həllini tövsiyə etməyə hazırdır, 94% isə həlldən istifadəni davam etdirməyi planlaşdırır.
“Təhlükəsiz gələcəyin qurulması həm təhlükəsizlik həlli təminatçılarının, həm də son istifadəçilərin iştirak etməli olduğu bir prosesdir. Təşkilatın kibertəhlükəsizliyi təkcə texniki həllərin keyfiyyətindən deyil, həm də bütün komanda üzvlərinin səriştəli və ardıcıl işindən asılıdır. Kibertəhlükəsizliyin əsas komponentlərindən biri təşkilatın ölçüsündən asılı olmayaraq komandada rəqəmsal savadlılıq səviyyəsinin artırılmasıdır. ‘Kaspersky Security Awareness’ həlli adi mütəxəssislərdən tutmuş top menecerlərə qədər müxtəlif işçilər üçün təlim imkanları təqdim edir. Biz müştərilərimizə ‘SoftwareReviews’ reytinqində lider mövqe tutmağa imkan verən rəylərinə görə minnətdarıq və onların məhsullarımızın keyfiyyətini yüksək qiymətləndirdiklərinə görə şadıq”, - deyə “Kaspersky Security Awareness” həllinin rəqəmsal savadlılığın təkmilləşdirilməsi üzrə eksperti Tatyana Şumaylova bildirir.
“Hətta korporativ cihazlarda quraşdırılmış ən yüksək keyfiyyətli təhlükəsizlik həlləri də işçilərin maarifləndirilməsi ilə tamamlanmalıdır. Axı insan amili hələ də kiberhücumların ən çox yayılmış vektorlarından biri olaraq qalır. Fişinq, fırıldaqçılıq, sosial mühəndislik - təəssüf ki, insanlar çox vaxt inandırıcı saxta sxemlərə inanırlar. Buna görə də kibertəhlükəsizlik üzrə təlimlərin keçirilməsi və rəqəmsal savadlılığın artırılması, ölçüsündən asılı olmayaraq istənilən şirkətdə müntəzəm tədbirə çevrilməlidir. Xoşbəxtlikdən şirkətimiz işçilərə hücum edənlərin hiylələrini ayırd etməyi və daha diqqətli olmağı öyrətmək üçün nəzərdə tutulmuş yüksək keyfiyyətli həll təklif edir”, - deyə “Kaspersky”nin Azərbaycandakı rəsmi nümayəndəsi Müşviq Məmmədov əlavə edir.
“SoftwareReviews” analitika şirkəti hər il istifadəçi reytinqləri əsasında ən yaxşı proqram təminatçılarının siyahısını tərtib edir. Məhsullar məhsulların real son istifadəçiləri - İT mütəxəssisləri və biznes şöbəsinin əməkdaşları tərəfindən diqqətlə yoxlanılmış rəylər əsasında qiymətləndirilir və sıralanır.
“Kaspersky Security Awareness” haqqında daha ətraflı buradan öyrənə bilərsiniz.
